လိက်ဘိက်နိမန် ကၠောန်ဗဒှ်သဘၚ်တၟေၚ်တၟဟ် “တ္ၚဲဗုဒ္ဓသာသနာစိုပ်ဍုၚ်မည်”

ယွံ မှာဇန်ကောန်ဗုဒ္ဓသာသနာဘာသာမည် တအ်ညးဂမၠိုၚ်အဴ
    ကောန်ဂကူမည်ညးဗၞိက်ၜါ ကောကဵုဒေံ တပူကေုာံတဗဝ် နူရးဥက္ကလာပ (လၟုဟ်ရးဍုၚ်လ္ဂုၚ်)  ဒေသရးမည အဃော မအာသွံရာန်ဗၞိက် ပ္ဍဲရးအိန္ဒိယဂှ် ကျာ်ဒှ်ဂွံ(၄၉)တ္ၚဲတုဲ ဆဵုဂဗဒးကျာ်တြဲဂေါတမ အဃောမသ္ပဒတဴဒၟံၚ် သၟဝ်တၞံဗပိုန်ရ။ ညးၜါ ကောကဵုဒေံ ကဵုဒါန်ကွာၚ်မြဳသာဲဗကတုဲ ဂွံဒဂိုန်ဒဂေတ်ကေတ် သာရဏဂုဏ်ၜါ ကၠာအိုတ်ရ။ ကျာ်တြဲဒုၚ်ဒါန် ကွာၚ်မြဳသာဲဗကတုဲ ဒုၚ်ကဵုညးၜါဂှ် ဓါတ်သော်ဂမျိုၚ် ဒစာံတၞုၚ်ရ။ ကောကဵုဒေံညးၜါကေုာံတွဳဝါရဂမၠိုၚ် က္ညဒုၚ်ဖျဴနၚ်ဓါတ်သော် စိုပ်ကၠုၚ်ဒေသရးမညတုဲ အပ်ပြာပ်ကဵုသၟိၚ်ဥက္ကလာပရ။ ဓါတ်သော်ဂမျိုၚ်ဒစာံတၞုၚ်ဂှ် ဌာပနာဒက်ပတန်လဝ် စေတဳကျာ်လ္ဂုၚ် လ္တူက္ဍဟ်ဒဵုသိၚ်္ဃုတ္တရ ရ။ ဟိုတ်ဂှ်ရ ကောန်ဂကူမန်တအ် ဒှ်ဂကူပရဲ “ဂွံဆဵုဂဗလဝ်ကျာ်ဗုဒ္ဓကၠာအိုတ်၊ ဂွံကဵုလဝ်ဒါန်ကုကျာ်ဗုဒ္ဓ၊ ဂွံဒဂိုန်ဒဂေတ်ကေတ် သာရဏဂုဏ်ၜါကၠာအိုတ်၊ ဂွံဒုၚ်ကေတ်တဲ ဓါတ်သော်ဂမျိုၚ်ကျာ်ဗုဒ္ဓ ကၠာအိုတ်၊ ဂွံဒက်ပတန်လဝ် စေတဳကျာ်လ္ဂုၚ်ကၠာအိုတ်”ဂှ် ညးဂၠးကဝ်တအ် ဒးသ္ပအမ်သဝ် ဒယှ်တမ္ညဝ်ကၠုၚ် စဵုတွဵုတ္ၚဲဏအ်ရောၚ်။ သၟာၚ်နူဂှ်ပၠန် အခိၚ်ကာလ ကျာ်ဂမျိုၚ် မၞုံတန်တဴဒၟံၚ်တေံ အဃောမဂေတ်ဂ္ၚေၚ်ဒေသစရိတ် စိုပ်ကၠုၚ်ဒေသရးမညကီု၊ ခမဳတၠအရှန်ဂမၠိုၚ်တအ် မပတံ မှာထေရ်ဂဝမ္ပတိ၊ ဥတရထေရ်ကဵုသောဏထေရ်တအ်ကီု၊ မှာထေရ်ဗုဒ္ဓဃောသာကီု ဂွံရေၚ်တၠုၚ်နၚ်လဝ် ဗုဒ္ဓသာသနာစိုပ်ကၠုၚ် ဒေသရးမည ဂၠိုၚ်ၚ်ကဵုဝါရ။
    သ္ပအစာံကဵု ဝၚ်ဗုဒ္ဓသာသနာစိုပ်ကၠုၚ်ဒေသရးမည ဂၠိုၚ်ၚ်ကဵုဝါတအ်ဂှ်တုဲ နူကဵု “ဂကောံထံက်ပၚ်ရီုဗၚ်လိက်ပတ်မန်”ဏအ် ဇၟာပ်ပ်သၞာံ စိုပ်ဂိတု ဒဂိုန် (၁၂)မံက်မ္ဂး မဒးကၠောန်ဗဒှ်ဏာ သဘၚ်ကၞာ “တ္ၚဲဗုဒ္ဓသာသနာစိုပ်ဍုၚ်မည်” အတိုၚ်တၚ်ရန်တၟအ် ဗွဲသၟဝ် တေံရောၚ်။
-    သ္ဂောံဒက်ပတိုန်ဓရ်ညဳသာကေုာံပရေၚ်ဆာန်ကၟိန်အကြာဂကူမည်။
-    မှာဇန်တအ် သ္ဂောံတီကၠိုဟ်ကၠး ၚုဟ်မး ယေန်သၞာၚ်ဗုဒ္ဓသာသနာ ဘာသာမည်။
-    မှာဇန်တအ် သ္ဂောံစွံဓရ်ဇြိုဟ်နက် လျုၚ်ဇြုၚ်သ္ဍိုက် ယေန်သၞာၚ်ဗုဒ္ဓသာနာ ဘာသာမည်။
-    မှာဇန်တအ် သ္ဂောံမၚ်မွဲဇၞော်ပၟဝ်အာ ယေန်သၞာၚ်ဗုဒ္ဓသာသနာ ဘာသာမည်။
-    ယေန်သၞာၚ်ဗုဒ္ဓသာသနာဘာသာမည် သ္ဂောံတန်တဴအာ လုကဴအဓါန်မဂၠိၚ်သ္ၚောဲမာန်။

    ပ္ဍဲသၞာံဏအ် ကၠောန်ဗဒှ်ဏာ “တ္ၚဲဗုဒ္ဓသာသနာစိုပ်ဍုၚ်မည်” ဗွဲတၟေၚ်တုဲ က္ညနိမန်လဝ် တၠဳပိုန်သၚ်ဂၠိုၚ်ကဵုဘာ၊ ပိုဲကၠောန်ကာကုသဵု ဒဂိုန်သဳ၊ ကဵုဒါန်ဖါပ်သၚ်၊ ဗ္စဖျုၚ်ဒုၚ်တၠုၚ် ကုမှာဇန် ညးမပြာပ်စိုပ်ကၠုၚ်ဂမၠိုၚ်ရောၚ်။ ဟိုတ်ဒှ် သာ်ဂှ်ရ အိုတ်ကဵု မှာဇန်ကောန်ဗုဒ္ဓသာသနာဘာသာမည်တအ် ညးဂမၠိုၚ် သြဝ်က္ညကၠုၚ်ဒုၚ်ဒါန် သီုကဵုပတုဲဒါန် ကၠောန်စရၚ်ဓရ်ကာကုသဵု ဂြုဂြုဂြီုဂြီု မွဲကရောံမွဲဂကောံ အိုတ်ညိဂှ် ဗွဲမရှေ်သှေ်ရဴဟေၚ် မဒးဘိက်ပၟိၚ် ဆဝ်မ္ၚုဟ်ဏာရအဴ။

ဒိတ္ထဳ    ။     ။ သက္ကရာဇ်သာသနာ ၂၅၅၈၊ သက္ကရာဇ်ဍုၚ် ၁၃၇၆၊ ဒဂိုန် ၁၂ မံက်၊ တ္ၚဲအၚာ။ (July 08, 2014)
အခိၚ်    ။     ။ နူဂယး ၇ နာဍဳ စဵုစိုပ် တ္ၚဲစေၚ် ၁ နာဍဳ။
ဌာန     ။     ။ ဘာဝါတ်ဘာဠမ်၊ တကအ်ကြေတ်၊ ပွိုၚ်ဍုၚ်နန်ထပူရဳ၊ ဍုၚ်သေံ။

ကေတ်အဆက်။ ။ နာဲတိုၚ်ပ္ကဴ 081 627 4515                   ဗွဲမရှေ်သှေ်ရဴဂဴဟေၚ်
            နာဲဒူယျ     081 693 0213             ကမ္မတဳကၠောန်ဗဒှ်  တ္ၚဲဗုဒ္ဓသာသနာစိုပ်ဍုၚ်မည်
            နာဲလွဳဆာန်မန် 082 342 3389         ဂကောံထံက်ပၚ်ရီုဗၚ်လိက်ပတ်မည်ဥတုက္ညၚ်